कोरोनाको खोपले रगतमा कुनै असर गर्दैन : ईएमए

काठमाडौं- बेलायतको अक्सफोर्ड विश्वविद्यालय र एस्ट्राजेनेका कम्पनीले तयार गरेको कोरोना भाइरसविरुद्धको खोप लगाउँदा रगतमा कुनै समस्या देखा नपर्ने युरोपियन संघको नियामक निकायले दाबी गरेको छ।

यो खोप लगाएका केही व्यक्तिहरुको रगतमा धब्बाहरु देखा परेको समाचार सार्वजनिक भएपछि नियामकको यस्तो प्रष्टीकरण आएको हो। 
यसअघि खोप लगाएका मानिसको शरीरमा रगतको सानो समूहमा केही असर देखा परेको भनिएको थियो।

डेनमार्ग, नर्वेलगायत केही देशमा यो खोप लगाउन रोकिएसँगै खोपबारे प्रश्न उठेको थियो। त्यसैगरी इटालीमा कोरोना खोप लगाएपछि ५० वर्षका एक जना व्यक्तिको ज्यान गएको थियो। तर पछि ती व्यक्तिको अरु नै रोगका कारण ज्यान गएको पुष्टि भएको थियो।

एस्ट्राजेनेका खोपका कारण अहिलेसम्म स्वास्थ्यमा असर गर्ने कुनै कारण नभएकाले ढुक्क भएर लगाउन युरोपियन मेडिसिन एजेन्सी (ईएमए) ले सुझाव दिएको छ।