यस्तो छ आगामी तीन दिनको मौसम पूर्वानुमान

काठमाडौं- हाल देशको पूर्वी भू-भागमा उत्तरी बंगलादेश र आसपासमा बनेको न्यून चापीय प्रणालीको सामान्य प्रभाव छ। मौसम पूर्वानुमान महाशाखाका अनुसार अहिले प्रदेश १ र गण्डकी प्रदेशका पहाडी भू-भागमा आंशिक बदली छ।

यस्तै आज प्रदेश १ का पहाडी एकदुई स्थानमा हल्का वर्षाको सम्भावना छ। 

देशको विभिन्न भू-भागमा आकाशमा बादल लागेसँगै राम्रोसँग घाम नालाग्दा दिउँसोको तापक्रममा हल्का गिरावट आउने महाशाखाको भनाइ छ।

महाशाखाले तराईका केही भू-भागमा बिहानको समयमा बाक्लो हुस्सु/कुहिरो समेत लाग्ने सम्भावना रहेकोले चिसोबाट जोगिनका लागि आवश्यक सतर्कता अपनाउन अनुरोधसमेत गरेको छ। 

हेर्नुस् आगामी तीन दिनको मौसम पूर्वानुमान 

माघ ५ गते

दिउँसो : देशका पहाडी भू-भागमा  आंशिक बदली रही बाँकी भू-भागमा मौसम सामान्यतया सफा रहनेछ।

राति : देशका पहाडी भू-भागमा आँशिक  देखि सामान्य बदली रही अन्य भू-भागमा मौसम सामान्यतया सफा रहनेछ। प्रदेश १ का  पहाडी भू-भागका एक वा दुई स्थानमा हल्का वर्षाको सम्भावना छ।

माघ ६ गते

दिउँसो :  प्रदेश १, बागमती प्रदेश र गण्डकी प्रदेशमा आंशिकदेखि सामान्य बदली रही बाँकी प्रदेशहरूमा मौसम सामान्यतया सफा रहनेछ।  

राति :  प्रदेश १,  २, बागमती र गण्डकी प्रदेशमा आंशिकदेखि सामान्य बदली रही बाँकी भू-भागहरूमा मौसम सामान्यतया सफा रहनेछ। प्रदेश १, बागमती तथा गण्डकी प्रदेशका पहाडी भू-भागका एक वा दूई स्थानहरूमा हल्का वर्षाको सम्भावना छ।

माघ ७ गते

दिउँसो : प्रदेश १, बागमती र गण्डकी प्रदेशमा आंशिकदेखि सामान्य बदली रही देशका बाँकी भू-भागहरूमा मौसम सामान्यतया सफा रहनेछ। प्रदेश १ र गण्डकी प्रदेशका पहाडी भू-भागका एक वा दूई स्थानहरूमा हल्का वर्षाको सम्भावना छ।

राति : प्रदेश १, बागमती प्रदेश र गण्डकी प्रदेशमा आंशिकदेखि सामान्य बदली रही देशका बाँकी भू-भागहरूमा मौसम सामान्यतया सफा रहनेछ। प्रदेश १, बागमती तथा गण्डकी प्रदेशका पहाडी भू-भागका एक वा दूई स्थानहरुमा हल्का वर्षाको सम्भावना रहेको छ।