कोरोनाबाट थप पाँच जनाको मृत्यु, २७० जनामा संक्रमण 

काठमाडौं– पछिल्लो २४ घण्टामा देशभर थप २७० जनामा कोरोना भाइरस संक्रमण पुष्टि भएको छ। 

यस्तै देशभरबाट थप ३९० जना संक्रमणमुक्त भएका छन्।

काठमाडौ उपत्यकामा १७२ जना संक्रमित थपिएको  स्वास्थ्य तथा जनसंख्या मन्त्रालयले जनाएको छ।

 मन्त्रालयका अनुसार पछिल्लो २४ घण्टामा ३ हजार ८४ जनाको पीसीआर परीक्षण गरिएको छ। हालसम्म नेपालमा कुल दुई लाख पाँच हजार १२५ जनाको पीसीआर नमुना परीक्षण भएको छ।

नेपालमा कुल संक्रमितको संख्या दुई लाख ६६ हजार ८१६ पुगेको छ। कोरोनामुक्त हुनेको संख्या दुई लाख ६० हजार ५६७ पुगेको छ। देशभर सक्रिय संक्रमितको संख्या ४ हजार ३०१ छ। 

पछिल्लो चौबीस घण्टामा कोरोना संक्रमणबाट थप ५ जनाको मृत्यु भएको छ। नेपालमा कोरोना संक्रमणबाट मृत्यु हुनेको संख्या एक हजार ९४८ पुगेको छ।

कोरोना संक्रमितमध्ये आईसीयूमा १६५ र भेन्टिलेटरमा ३८ जनाको उपचार भइरहेको छ। यस्तै २३१ जना क्वारेन्टिनमा छन्।