‘एक बारको जुनिमा’ गीतको भिडियो सार्वजनिक 

काठमाडौं-  उदयराज शर्माको ‘एकबारको जुनिमा’ बोलको गीतको म्यूजिक भिडियो सार्वजनिक भएको छ। 

गीतको भिडियो शर्मा आफैले निर्देशन र सम्पादन गरेका हुन्।  भिडियोमा शर्मा र मोडल अनुमती नेपालीले अभिनय गरेका छन्।  

बिष्णु ठकुरीले छायांकन गरेको भिडियोमा कोरियोग्राफी मोहन लामाले गरेका हुन्। 

शर्माको स्वरमा रहेको गीतमा अरुण तिवारीका शब्द र दिपक शर्माको संगीत छ। पुरुषोत्तम न्यौपानेले म्युजिक एरेन्जर गरेको गीत धादिङका विभिन्न स्थानमा छायाँकन गरिएको हो।