प्रतिनिधिसभा विघटनको नजीर बस्नु हुँदैन : मुख्यमन्त्री शाही

कर्णाली प्रदेशका मुख्यमन्त्री महेन्द्रबहादुर शाहीले प्रतिनिधिसभा विघटनको नजीर बस्नु मुलुकको लागि घातक हुने बताएका छन्।

नेपाल समय | मंगलबार, पुस २८, २०७७

नेपाल समय

मंगलबार, पुस २८, २०७७

प्रतिनिधिसभा विघटनको नजीर बस्नु हुँदैन : मुख्यमन्त्री शाही

सुर्खेत– कर्णाली प्रदेशका मुख्यमन्त्री महेन्द्रबहादुर शाहीले प्रतिनिधिसभा विघटनको नजीर बस्नु मुलुकको लागि घातक हुने बताएका छन्।

मुख्यमन्त्री तथा मन्त्रिपरिषद् कार्यालय कर्णाली प्रदेशद्वारा मंगलबार आयोजित पत्रकार सम्मेलनमा शाहीले स्थायी सरकार, समृद्धि र विकासका लागि मध्यावधि निर्वाचन समाधान नभएको बताएका हुन्।

मुख्यमन्त्री शाहीले अहिलेको गम्भीर परिस्थितिलाई सुल्झाउने र संविधानलाई बलियो बनाउने जिम्मेवारी न्यायालयको काँधमा आएको बताए।

उनले भने, ‘प्रतिनिधिसभा विघटनले बैधानिकता पाए मुलुक अस्थिर राजनीतिको चङ्गुलमा फस्ने छ। यस्तो प्रवृत्तिले मुलुकलाई दीर्घरोगी बनाउने छ।’

प्रकाशित: Jan 12, 2021| 15:16 मंगलबार, पुस २८, २०७७