नियमित हाजिर नगरेपछि वीर अस्पतालले कर्मचारीको तलब रोक्यो

काठमाडौं– नियमित रुपमा हाजिर नगरेको भन्दै वीर अस्पतालले कर्मचारीको तलब रोक्का गरेको छ। अस्पतालका डाक्टर, नर्स र अन्य कर्मचारीले नियमित रुपमा हाजिर नगरेपछि तलब रोक्का गरिएको अस्पतालका निर्देशक डा. केदार सेन्चुरीले बताए। 

नियमीत रुपमा काम गरिरहेकाको पनि हाजिर नदेखिएकाले छानबिन गर्नुपर्ने निर्देशक सेन्चुरीले बताए।। ‘अस्पतालमा इलेक्ट्रोनिक हाजिर गर्ने सिस्टम छ, कसैको आएको समयमा मात्रै हाजिर देखिएको छ भने कसैको गएको समयमा मात्रै हाजिर देखिएको छ। अस्पतालको नियमानुसार अस्पताल आउने र जाने समयमा दुई पटक हाजिर गर्नुपर्छ। २ सयभन्दा बढी कर्मचारीले नियमित हाजिर नगरेको देखिएकाले हाल उनीहरुको तलब रोक्का गरिएको छ,’ निर्देशक सेन्चुरीले नेपाल समयसँग भने, ‘यसको छाननि पछि मात्रै तलब दिइन्छ।’

कर्मचारीहरुले नियमित हाजिर नगर्दा अस्पतालको नियम नै विग्रिएको भन्दै उनीहरुको तलब रोक्का गरिएको अस्पतालका निर्देशक डा सेञ्चुरीले जानकारी दिए।