'प्रधानमन्त्री ज्यू, उत्ताउलाहरुको प्रदेशमा स्वागत छ !'

धनगढीमा केही युवकहरुले प्रधानमन्त्रीकाे अनौठो तरिकाले स्वागत गरे। उनीहरुको शैली चाँहि विरोध हो कि स्वागत हा छुट्याउन गाह्रो भए पनि उनीहरुले स्वागत नै गरिएको बताएका छन्।

नेपाल समय | शुक्रबार, पुस २४, २०७७

नेपाल समय

शुक्रबार, पुस २४, २०७७

'प्रधानमन्त्री ज्यू, उत्ताउलाहरुको प्रदेशमा स्वागत छ !'

धनगढी- धनगढीमा केही युवकहरुले प्रधानमन्त्रीकाे अनौठो तरिकाले स्वागत गरे। उनीहरुको शैली चाँहि विरोध हो कि स्वागत हा छुट्याउन गाह्रो भए पनि उनीहरुले स्वागत नै गरिएको बताएका छन्।

शुक्रबार पार्टीकाे सभालाई सम्बाेधन गर्न धनगढी पुगेका प्रधानमन्त्रीको साझा युवा संगठनले कालो बेलुन उडाएर विरोधसहित स्वागत गरेको हो। बेलुनमा ‘प्रधानमन्त्री ज्यू, उत्ताउलाहरुको प्रदेशमा स्वागत छ।’ लेखिएको थियो।

कोरोना भाइरस संक्रमणको सुरुवाती अवस्थामा प्रधानमन्त्री केपी शर्मा ओलीले सुदूरपश्चिमवासीलाई उत्ताउला भएको र उनीहरुकै कारण नेपालमा कोरोना सर्ने सम्भावना बढेर गएको अभिव्यक्ति दिएका थिए।

सो अभिव्यक्तिको सुदूरपश्चिममा व्यापक आलोचना भएको थियो।

त्यही सन्दर्भ जोडेर युवाहरुले प्रधानमन्त्रीलाई उत्ताउलाहरुको प्रदेशमा स्वागत छ भन्ने प्लाकार्डसहित स्वागत गरेका हुन्।