२४ घण्टामा ५५४ कोरोना संक्रमित थपिए

पछिल्लो २४ घण्टामा देशभर ५५४ जनालाई कोरोना भाइरसको संक्रमण पुष्टि भएको छ।

नेपाल समय | शुक्रबार, पुस २४, २०७७

नेपाल समय

शुक्रबार, पुस २४, २०७७

काठमाडौं– पछिल्लो २४ घण्टामा देशभर ५५४ जनालाई कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ५ हजार २६९ जनाको पीसीआर परीक्षण भएकोमा ५५४ जनालाई कोरोना पोजेटिभ देखिएको हो। शुक्रबार सक्रिय संक्रमितको संख्या ५ हजार २१ छ।

पछिल्लो २४ घण्टामा संक्रमण पुष्टि भएकामध्ये काठमाडौं उपत्यकाका २०७ जना छन्। योसँगै कोरोना संक्रमितको संख्या २ लाख ६४ हजार १५९ पुगेको छ। संक्रमण पुष्टि भएकामध्ये २ लाख ५७ हजार २२९ जना निको भएका छन्।

पछिल्लो २४ घण्टामा ५८५ जनाले कोरोना जिते भने ६ जना संक्रमितको मृत्यु भएको छ। हालसम्म कोरोना संक्रमित मृतकको संख्या १ हजार ९०९ पुगेको छ ।

प्रकाशित: Jan 08, 2021| 10:22 शुक्रबार, पुस २४, २०७७