भारतमा कोरोना संक्रमितको संख्या एक करोड पुग्यो

भारतमा कोरोना संक्रमितको संख्या १ करोड नाघेको छ। पछिल्ला केही हप्तायता कोरोना संक्रमितको दर घट्दै गए पनि भारतमा संक्रमितको संख्या करोड पुगेको हो।

नेपाल समय | शनिबार, पुस ४, २०७७

नेपाल समय

शनिबार, पुस ४, २०७७

भारतमा कोरोना संक्रमितको संख्या एक करोड पुग्यो

एजेन्सी- भारतमा कोरोना संक्रमितको संख्या १ करोड नाघेको छ।

पछिल्ला केही हप्तायता कोरोना संक्रमितको दर घट्दै गए पनि भारतमा संक्रमितको संख्या करोड पुगेको हो।

यो संख्या विश्वको दोस्रो धेरै हो। अमेरिकामा कोरोना संक्रमितको संख्या १ करोड ७८ लाख पुगेको छ। विगत २४ घण्टामा मात्रै भारतमा २५ हजारभन्दा बढी कोरोना संक्रमित थपिएका छन्।

भारतमा कोरोना संक्रमणपछि निको हुनेको संख्या पनि उच्च छ। त्यहाँ हालसम्म ९६ लाख मानिस उपचारपछि निको भएका छन्। १ लाख४५ हजार १३६ जनाको कोरोना संक्रमणबाट मृत्यु भएको छ।

भारतले आगामी महिनादेखि नै कोरोनाविरुद्धको खोप सञ्चालन गर्ने तयारी गरिरहेको छ। उसले रसियन कम्पनीको खोप आफ्नो देशमै उत्पादन गर्दैछ भने अन्य देशमा उत्पादित विभिन्न खोपहरुमाथि अध्ययन गरिरहेको छ।