म्याराडोनाको मृत्युबारे छानबिन सुरु, डाक्टरको घर र क्लिनिकमा छापा

विश्व प्रख्यात फुटबलर डिएगो म्याराडोनाको मृत्यु भएको चार दिनपछि अर्जेन्टिनास्थित उनका डाक्टरको घर र क्लिनिकमा प्रहरीले छापा मारेको छ। 

म्याराडोनाको उपचारमा कुनै लापरवाही त भएको छैन भनेर प्रहरीले डाक्टरकोमा छापा हानेको हो। २५ नोभेम्बर (गएको बुधबार) ६० वर्षको उमेरमा आफ्नो घरमै म्याराडोनाको निधन भएको थियो। हृदयाघातका कारण उनको निधन भएको बताइएको छ। 

म्याराडोनाका छोरीहरुले आफ्ना बुवाको असामयिक मृत्युबारे छानबिन गर्न माग गरेपछि अर्जेन्टिनी प्रहरीले अनुसन्धान थालेको हो। 

असाधारण खेलाडीको अन्तिम बिदाइ पनि असाधारण

एक दिन हामी आकाशमा सँगै फुटबल खेल्नेछौं डिएगो : पेले

‘गुडबाइ म्याराडोना’

यही नोभेम्बर पहिलो सातामात्रै म्याराडोनाको मस्तिष्कको सफल सल्यक्रिया भएको थियो। मदिराको लत छुटाउनका लागि पनि उनको उपचार चल्दै थियो। 

म्याराडोनाका निजी चिकित्सकले प्रहरीलाई आफूले अनुसन्धानमा सहयोग गर्ने बताएका छन्। म्याराडोनालाई बचाउन आफूले अन्तिम समयसम्म पनि प्रयास गरेको उनले बताएका छन्।