रानीपोखरीको बालगोपालेश्वर मन्दिर आज पनि खुला

काठमाडौंको रानीपोखरीस्थित बालगोपालेश्वर मन्दिर आज पनि खुला राखिएको छ ।

नेपाल समय | मंगलबार, मंसिर २, २०७७

नेपाल समय

मंगलबार, मंसिर २, २०७७

रानीपोखरीको बालगोपालेश्वर मन्दिर आज पनि खुला

काठमाडौँ- काठमाडौंको रानीपोखरीस्थित बालगोपालेश्वर मन्दिर आज पनि खुला राखिएको छ ।

नेवार समुदायका केही समूहले आज (मंगलबार) भाइटीका लगाउने भएपछि बालगोपालेश्वर मन्दिर खुला गरिएको हो । हिजो पनि भाइटिका लगाउनका लागि यो मन्दिर खुला राखिएको थियो ।

दिदी बहिनी नहुने दाजुभाइले बालगोपालेश्वर मन्दिरमा पुगेर पूजाआजा गरी टीका लगाउने प्रचलन रहेको छ । त्यसैले बालगोपालेश्वर मन्दिर भाइटीकाको दिनमा मात्र खोल्ने गरिन्छ ।

यसपटक सोमबार र मंगलबार टीका लगाउने भएपछि मन्दिरलाई दुई दिन नै खुल्ला गरिएको हो । मंगलबार बिहान पनि केही समय द्वितीय तिथि रहेकाले नेवार समूदायका केही समूहले आज भाइटीका लगाउने भएका हुन् ।

नेवार समुदायको भाइटीका (किजा पूजा) का लागि सरकारले आज पनि देशभर सार्वजनिक बिदा दिएको छ ।

प्रकाशित: Nov 17, 2020| 06:35 मंगलबार, मंसिर २, २०७७