नीतिगत बहस गरौं, आरोपप्रत्यारोपमा नउत्रियौं : परराष्ट्रमन्त्री ज्ञवाली

काठमाडौं-  नेकपा स्थायी कमिटी सदस्य एवम् परराष्ट्रमन्त्री प्रदीप ज्ञवालीले नीतिगत रुपमा बहस गर्न नेताहरुलाई आग्रह गरेका छन्।

उनले आरोपप्रत्यारोप नगर्न पनि अनुरोध गरेका छन्।

उनले पार्टी एकता संकटमा रहे पनि एकताको रक्षा गर्ने प्रयास रहेको स्पष्ट पारेका छन्।

सोमबार साँझ ट्विट गर्दैै ज्ञवालीले भनेका छन्, 'पार्टी एकता अप्ठ्यारोमा छ, तर एकताको रक्षा गर्ने प्रयास पनि जारी छ । आशा छ, संकटका बादलहरू हटेर जानेछन्। ' उनले  एउटै डुंगामा रहेकाले भोलि कुनै घुम्तीमा अवश्य जम्काभेट हुने औंल्याएका छन्।

ज्ञवालीले लेखेका छन्, 'आहानै छ, खाना खाँदा पानी खाने ठाउँ बाँकी राख्नुपर्छ।'

पार्टी एकता अप्ठ्यारोमा छ, तर एकताको रक्षा गर्ने प्रयाश पनि जारी छ । आशा छ, संकटका बादलहरू हटेर जानेछन् । कमरेडहरूलाई आग्रह छ, नीतिगत वहस गरौँ, आरोप प्रत्यारोप नगरौँ । एउटै डुंगामा छौं र भोलि कुनै घुम्तीमा अवश्य जम्काभेट हुनेछ।
आहानै छ,खाना खाँदा पानी खाने ठाउँ बाँकी राख्नु पर्छ।

— Pradeep Gyawali (@PradeepgyawaliK) November 16, 2020