हङकङको एक रेष्टुरेन्टमा आगलागी हुँदा सात जना नेपालीको निधन

काठमाडौं– आइतबार राति हङकङको याउमातेइमा नेपालीले सञ्चालन गरेको एक रेष्टुरेन्टमा आगलागी हुँदा सात जना नेपालीको निधन भएको छ। 

नेपालीले सञ्चालन गरेको रेष्टुरेण्टमा आगलागी हुँदा सात जनाको मृत्यु भएको हो। बागलुङ समाज हङकङका आजीवन सदस्य राज कँडेलको छोराको जन्मदिन मनाउने क्रममा दुर्घटना भएको बताइएको छ।  

मृत्यु हुनेमा नौ वर्षीय बालकसहित चार पुरुष र तीन महिला भएको बताएको छ। तर उनीहरुको परिचय भने खुल्न सकेको छैन।  

साउथ चाइना मर्निंगको समाचारअनुसार ठूलो संख्यामा अन्य नेपाली घाइते भएका छन्। नेपालीले अनुमति नलिएर सञ्चालन गरिरहेको रेष्टुरेण्टमा आगलागी भएको जनाइएको छ।

हङकङको  याउमातेइस्थित कटन रोड एण्ड सेंगन स्ट्रीटस्थित भवनमा आगलागी भएको समाचारमा जनाइएको छ।  

घाइतेहरुको अस्पतालमा उपचार भइरहेको र दुई जनाको अवस्था गम्भीर रहेको बताइएको छ।  घटनामा पर्ने अधिकांस बागलुङ जिल्लाका रहेको बताइएको छ।