सात जना जुवाडे पक्राउ

नेपाल समय | मंगलबार, कात्तिक २५, २०७७

नेपाल समय

मंगलबार, कात्तिक २५, २०७७

नवलपरासी– प्रहरीले जुवातास खेल्ने सात जनालाई सोमबार साँझ पक्राउ गरेको छ।

नवलपरासी (बर्दघाट सुस्तापूर्व) मध्यविन्दु २ शेरीस्थित नारायणजंघ कार्कीको घरमा जुवातास खेलिरहेको अवस्थामा जिल्ला प्रहरी कार्यालय नवलपुरबाट खटिएको प्रहरी टोलीले मध्यविन्दु ७ का ३० वर्षीय भवानीशंकर थनेत, ३१ वर्षीय कृष्ण कुमाल, मध्यविन्दु १ का ४३ वर्षीय खोरबहादुर चौधरी, मध्यविन्दु २ का ३७ वर्षीय सुनबहादुर आलेमगर, ५३ वर्षीय हेमलाल थनेत, ३३ वर्षीय उदय उप्रेती र ४५ वर्षीय पदम रानालाई पक्राउ गरेको कार्यालयका सूचना अधिकारी विशाल तामाङले जानकारी दिए।

उनीहरुको साथबाट ४२ हजार १७०, विदेशी मुद्रा २६० दिराम र तीन बुक ताससमेत बरामद गरेको तामाङले बताए। उनीहरुलाई मुलुकी अपराध संहिताबमोजिम कसुरअन्तर्गत अनुसन्धान कार्य अघि बढाइएको तामाङले बताए।

प्रकाशित: Nov 10, 2020| 01:42 मंगलबार, कात्तिक २५, २०७७