जैबिक विविधता संरक्षणमा जोड 

भैरहवा–जैविक विविधता संरक्षण भएमा मात्रै वातवरण स्वच्छ हुन भएकाले युवा पुस्ता त्यसतर्फ केन्द्रित हुनुपर्ने बताइएको छ। 

ग्रीन युथ क्लबको कार्यलय उद्घाटनका क्रममा आयोजित भेलालाई सम्बोधन गर्दै राष्ट्रिय सभामा सत्तापक्षका प्रमुख नेकपा नेता खिमलाल भट्टराइले भने, ‘अबको पुस्ताको काँधमा प्रकृति संरक्षण र जैविक विविधताको संरक्षण पनि छ।’ 

नेता भट्टराइले हरियाली प्रबद्र्धनमा पनि जोड दिए । उनले लुम्बिनी क्षेत्रमा रहेको खेतमा सिचांईको व्यवस्था गर्न सरकारले योजना बनाउँदै गरेको जानकारी दिए।  

उनले लुम्बिनी क्षेत्रको दुःख गरिबी र अभाव हटाउने विषयमा आफू सधैं चिन्तित भएको दोहोर्याए।  

कार्यक्रममा लुम्बिनी विकास कोषका उपाध्यक्ष भिक्षु मेतेयाले लुम्बिनी क्षेत्रको आधुनिक विकासका लागि बृहतर लुम्बिनी गुरु योजनाले टेवा दिने बताए। 
उनले जैबिक विविधता बचाउने अभियानमा ग्रीन युथ क्लबले अग्रसरता लिएको प्रति खुसी ब्यक्त गरे। 

उपाध्यक्ष मेतेयाले  लोपोन्मूख सारस पंक्षी लुम्बिनीको पहिचान भएको बताउदैं लुम्बिनी विकास कोष पनि जैविक विविधता संरक्षणका लागि योजनाबद्ध काम गरिरहेको बताए। 

ग्रीन युथ क्लबका अध्यक्ष अर्जुन कुमार कुर्मीको अध्यक्षतामा कार्यक्रम सम्पन्न भएको  थियो।