परराष्ट्रमन्त्री खड्कालाई भारतीय विदेशमन्त्रीको बधाई, न्युयोर्कमा भेट हुने

काठमाडौं– भारतीय विदेशमन्त्री एस जयशंकरले नेपालका नवनियुक्त परराष्ट्रमन्त्री डा. नारायण खड्कालाई बधाई दिएका छन्। उनले डा. खड्कासँग काम गर्न भारत तयार रहेको पनि बताएका छन्। 

भारतीय विदेशमन्त्री जयशंकरले ट्विट गर्दै भनेका छन्, ‘नेपालको परराष्ट्रमन्त्रीमा नियुक्त हुनुभएकोमा माननीय डा. नारायण खड्कालाई बधाई। उहाँसँग आगामी दिनमा सहकार्य गर्न तयार छौं।’ 

डा. खड्का बुधबार परराष्ट्रमन्त्री नियुक्त भएका हुन्। मन्त्रीको शपथ लिएलगत्तै उनी संयुक्त राष्ट्रसंघको महासभामा भाग लिन न्युयोर्क प्रस्थान गरेका छन्। मन्त्री खड्काले न्युयोर्कमै विदेशमन्त्री जयशंरकसँग भेट गर्ने कार्यक्रम छ।

यसअघि सार्कका विदेशमन्त्रीहरुको साइडलाइन बैठक राख्ने बताइए पनि अफगानिस्तानको नेतृत्व गरिरहेको तालिबानलाई बोलाउने कि नबोलाउने भन्ने विषयमा सहमति जुट्न नसक्दा उक्त बैठक रद्द गरिएको छ।