टिकटकद्वारा माइक्रोसफ्ट कम्पनीको प्रस्ताव अस्वीकार

काठमाडौं– टिकटकको अमेरिकी अपरेशन किन्नका लागि माइक्रोसफ्ट कम्पनीले राखेको प्रस्ताव टिकटकले अस्वीकार गरेको माइक्रोसफ्ट कम्पनीले जनाएको छ ।

वाल स्ट्रीट जरनल र रोयटर्समा छापिएको समाचारअनुसार टिकटकले माइक्रोसफ्ट कम्पनीको प्रस्ताव अस्वीकार गरेपछि ओरेकल कम्पनीलाई अन्तिम समयमा आफ्नो बोली लगाउने मौका मिलेको छ ।

समाचारअनुसार ओरेकल कम्पनीले बिड जितेको छ भने अब टिकटक एपको अमेरिकी अपरेशन ओरेकसँग हुने पक्का भएको छ ।

अमेरिकी राष्ट्रपति डोनाल्ड ट्रम्पले चिनिया कम्पनी बाइटडान्सलाई सेप्टेम्बर १५ अर्थात भोली मंगलबारसम्म टिकटक बन्द गर्न या बेच्नका लागि अन्तिम समयसीमा तोकेका थिए ।

अमेरिकी कम्पनी माइक्रोसफ्ट र ओरेक दुबैले टिकटक किन्ने इच्छा देखाएका थिए । टिकटकका प्रवक्ताले बीबीसीलाई बताएअनुसार माइक्रोसफ्ट या ओरेकललाई लिएर कुनै प्रतिक्रिया दिएका छैनन ।

ओरेकल कम्पनीका अध्यक्ष लैरी एलिसन राष्ट्रपति ट्रमका समर्थक हुन । फरबरीमै उनले ट्रमका लागि चन्दा संकलन गर्न कार्यक्रम आयोजना गरेका थिए ।