स्वास्थ्य सम्बन्धी दुई विधेयक संसद्‍मा पेस गरिने

काठमाडौं– सरकारले स्वास्थ्य सम्बन्धी दुई विधेयक संसद्‍मा पेस गर्ने तयारी गरेको छ। सरकारका प्रवक्ता ज्ञानेन्द्रबहादुर कार्कीका अनुसार कोभिड–१९ संकट व्यवस्थापन सम्बन्धमा व्यवस्था गर्न र औषधि ऐन २०३५ लाई संशोधन गर्न बनेको विधेयकलाई संघीय संसद्‍मा पेस गर्ने निर्णय गरेको हो।

यसअघि केपी शर्मा ओली नेतृत्वको सरकारले ल्याएको स्वास्थ्य सम्बन्धी तीनवटा अध्यादेश समयमा नै संसद्‍मा पेस हुन नसकेपछि गत बुधबारदेखि निष्क्रिय भएको  थियो। त्यसपछि अध्यादेशलाई विद्ययकका रूपमा संसद्‍मा पेस गर्ने निर्णय गरेको हो।

कोभिड – १९ संकट व्यवस्थापन अध्यादेश, औषधि (तेस्रो संशोधन) अध्यादेश, स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिलो संशोधन) अध्यादेश निष्क्रिय भएको हो।

प्रधानमन्त्री तथा मन्त्रिपरिषद्को मंगलबारको बैठकको निर्णय सुनाउँदै कार्कीले कोभिड– १९ व्यवस्थापन आदेश २०७८ स्वीकृत गर्ने निर्णय गरेको जानकारी दिए।