बागमतीमा कोरोना संक्रमितको संख्या १,१४८ पुग्यो (जिल्लागत विवरणसहित)

काठमाडौं– बागमती प्रदेशमा आइतबार थप ३३ जनामा कोरोना भाइरस संक्रमण भएको छ।

प्रदेशको सामाजिक विकास मन्त्रालयका अनुुसार काठमाडौंमा २२, ललितपुरमा आठ, भक्तपुरमा एक, चितवनमा एक र सिन्धुलीमा एक गरी ३३ जनामा संक्रमण भएको हो।

योसहित प्रदेशमा कोरोना संक्रमण हुनेको संख्या एक हजार १४८ पुगेको छ।

तीमध्ये ५३४ जना उपचारपछि फर्किएका छन् भने ६०४ जनाको विभिन्न अस्पतालमा उपचार भइरहेको छ। प्रदेशमा कोरोना संक्रमणबाट १० जनाको मृत्यु भएको छ।

काठमाडौंमा सबैभन्दा बढी ४५१ जनामा कोरोना संक्रमण भएको छ। यस्तै धादिङमा १४१ जना र चितवनमा संक्रमितको संख्या १२४ पुगेको छ।

ललितपुरमा १०४, सिन्धुपाल्चोकमा ७३, भक्तपुरमा ५८, मकवानपुरमा ४७ जनामा कोरोन संक्रमण भएको मन्त्रालयले जनाएको छ।

मन्त्रालयका अनुसार रामेछापमा ३८, सिन्धुलीमा २५, काभ्रेमा २३, तथा दोलखा र रसुवामा ११–११ जनामा कोरोना संक्रमण भएको छ।