ठेकेदारको लापरबाहीविरुद्ध सडकमै रोपाइँ (फोटो फिचर)

पटकपटक आग्रह गर्दा पनि ठेकेदारले सडक मर्मतमा चासो नदिएपछि हरिसिद्धि–गोदावरी क्षेत्रका स्थानीयले सोमबार सडकमै रोपाइँ गरेका छन्।

नेपाल समय | सोमबार, असार २२, २०७७

नेपाल समय

सोमबार, असार २२, २०७७

ठेकेदारको लापरबाहीविरुद्ध सडकमै रोपाइँ (फोटो फिचर)

काठमाडौं- पटकपटक आग्रह गर्दा पनि ठेकेदारले सडक मर्मतमा चासो नदिएपछि हरिसिद्धि–गोदावरी क्षेत्रका स्थानीयले सोमबार सडकमै रोपाइँ गरेका छन्।

पानी पर्दा हिलाम्मे र घाम लाग्दा धुलाम्मे हुँदा सडकमा आवागमनमा निकै कठिन भएकाले स्थानीय बासिन्दाले विरोधस्वरूप सडकमै रोपाइँ गरेको गोदावरी नगरपालिकाका मेयर श्री गजेन्द्र महर्जनले बताए।

उनका अनुसार जति पहल गर्दा पनि ठेकेदारले अटेर गरेपछि स्थानीय बासिन्दा विरोधमा उत्रिएका हुन्। उनले भने, ‘ठेकेदारका गम्भीर लापरबाहीका कारण समयमै बाटो मर्मत नहुँदा स्थानीयले निकै सास्ती पाएका छन्।’

तत्काल बाटो मर्मत हुने विश्वासिलो प्रतिबद्धता नआएसम्म खुल्न नदिइने मेयर महर्जनले बताए।
मेयर महर्जनका अनुसार यो सडकको मर्मत सुधारको ठेक्का गुरु अधिकारीले लिएका छन्। जनप्रतिनिधिलाई समेत अटेर गरेपछि विरोधमा उत्रिएको उनको भनाइ छ।