तीनवटा जङ्गली हात्ती एकैपटक गाउँ छिरेपछि ...

सप्तरीको अग्निसाइर कृष्णसवरण गाउँपालिका–२ स्थित रामटोलमा मंगलबार राति जङ्गली हात्तीले चार घर तोडफोड गरेको छ ।

नेपाल समय | बुधबार, वैशाख २४, २०७७

नेपाल समय

बुधबार, वैशाख २४, २०७७

तीनवटा जङ्गली हात्ती एकैपटक गाउँ छिरेपछि ...

सप्तरी– सप्तरीको अग्निसाइर कृष्णसवरण गाउँपालिका–२ स्थित रामटोलमा मंगलबार राति जङ्गली हात्तीले चार घर तोडफोड गरेको छ ।

तीन हात्ती एकैपटक गाउँ प्रवेश गरी वीरेन्द्र राम, श्यामकुमार राम, नारायण राम र लक्ष्मीदेवी रामको घर तोडफोड गरेको प्रहरीले जनाएको छ ।

पूर्व–पश्चिम राजमार्गदेखि दक्षिण क्षेत्रमा अवस्थित रामटोलमा हात्तीको समूहले घर तोडाफोड गरी धान, गहुँ, चामल, दाललगायतका खाद्यान्न खाएर रु पाँच लाख बराबरको क्षति गरेको गाउँपालिका अध्यक्ष पर्शुराम चौधरीले जानकारी दिए ।

लकडाउनले बेरोजगार भइ आयस्रोत बन्द भएका बेला हात्ती आतङ्कले जीवनयापन थप कष्टकर बनाएको पीडित श्यामकुमार रामले बताए । रामले खानाका साथै घर तोडफोडपछि आवासको पनि चिन्ता थपिएको बताए ।

हात्ती आतङ्क रोकथाम र नियन्त्रणतर्फ सम्बन्धित निकायले चासो नदिएको स्थानीयवासीको गुनासो छ । रासस

प्रकाशित: May 06, 2020| 08:13 बुधबार, वैशाख २४, २०७७