पोग्वालाई भित्र्याउन चाहन्छ इन्टर मिलान

समर ट्रान्सफर विन्डोमा नै पाउल पोग्बा म्यान्चेस्टर युनाइटेडबाट निस्किने बाटोमा थिए। तर, उनलाई कसैले किन्न सकेनन्। कारण थियो क्लबले उनको मुल्य नै २ सय मिलियन युरो तोकिदिएको थियो।

त्यसपछि ओल्ड ट्रयाफोर्डमै विताएका फ्रेन्च मिडफिल्डरको आउँदो विन्डोका लागि फेरि एकपटक चर्चा सुरु भएको छ। अहिले पोग्वाको ट्रान्सफर रेसमा इटालियन क्लब इन्टर मिलान जोडिएको छ। उसले पोग्वालाई क्लबलमा लिन इच्छा गरेको बताएको छ। मिलानका प्रशिक्षक एन्टोनी कोन्टेले पोग्बालाई सान सिरोमा ल्याउनका लागि बल गरिरहेका छन्।

मिलानका साथै उनको चर्चा युभेन्टस र रियल मड्रिडसँग पनि जोडिएको छ।

२७ वर्षीय पोग्वा सन् २०१६ मा म्यान्चेस्टरमा दोस्रो पटक आएका थिए। उनले त्यसअघि सन् २००९ देखि २०११ सम्म युवा खेलाडीका रुपमा म्यान्चेस्टरमा विताएका थिए। त्यस्तै उनले सन् २०१२ बाट २०१६ सम्म इटालियन क्लब युभेन्टसमा विताएका थिए।