विश्व रुग्बीको अध्यक्षमा पुनः बिउमोन्ट

एजेन्सी– इंग्ल्यान्डमा पूर्वकप्तान बिल बिउमोन्ट विश्व रुग्बी परिषदको अध्यक्षमा चुनिएका छन्। उनले शनिबार भएको निर्वाचनमा अर्का प्रतिस्पर्धी अगस्चिन पिकटलाई हराउँदै थप ४ वर्ष अध्यक्षमा निर्वाचित भएका हुन्।

रुग्बीको सर्वोच्च निकायले बियमोन्टले २३ भोट ल्याएका पिकटविरुद्ध २८ भोटले जितेका बताएको छ। अर्जेन्टिनाका पिकटले सन् २०१६ बाट बाउमोन्टको समितीमा उपाध्यक्षमा रहेर काम गरेका थिए।

बिउमोन्टले अबको ४ वर्ष विश्व रुग्बी क्यालेन्डरलाई जोड्दै कामकाजलाई चुस्त रुपमा सञ्चालनग गर्ने बताएका छन्। उनले खलाडीको कल्याण, महिला खेलमा वृद्धि र साना राष्ट्रलाई पनि ठूला राष्ट्रसँग प्रतिस्पर्धा गराउने बताएका छन्।

‘मैले फेरि विश्व रुग्बी परिषद जस्तो अन्तराष्ट्रिय संघमा अध्यक्षको म्यान्डेट सम्हाल्न पाउँदा गौरव महशुस गरेको छु, ’निर्वाचित भएपछि उनले भने, ‘म सबै साथीहरुलाई धन्यवाद भन्न चाहन्छु।’

उनले १२ मेमा हुने परिषदको बैठकपछि दोस्रो कार्यकाल सम्हाल्ने बताइएको छ।