कोरोनाबाट २४ घण्टामा ८५ हजार ९ सय संक्रमित, कहाँ कतिको मृत्यु ?

काठमाडौं- विश्वव्यापी महामारीको रुपमा फैलिएको कोरोना भाइरसबाट पछिल्लो २४ घण्टामा मात्रै ८५ हजार ९ सय ६० जना संक्रमित भएका छन् ।

योसँगै अहिलेसम्म कोरोनाबाट संक्रमित हुनेको संख्या ३२ लाख ५१ हजार ९ सय २५ पुगेको छ ।

जोन हपकिन्स विश्वविद्यालयका अनुसार कोरोनाबाट अहिलेसम्म २ लाख ३२ हजार ९ सय ३६ जनाको मृत्यु भएको छ । पछिल्लो २४ घण्टामा अर्थात बिहीबार मात्रै ५ हजार ८ सय जनाले ज्यान गुमाएका छन् ।

कोरोनाबाट सबैभन्दा बढि प्रभावित भएको अमेरिकामा पछिल्लो २४ घण्टामा ३० हजार ८ सय २५ जना संक्रमित थपिएका छन् भने २ हजार २ सय १ जनाको मृत्यु भएको छ ।

अमेरिकामा कोरोना संक्रमितको संख्या १० लाख ६८ हजार ६ सय ९६ पुगेको छ भने मृतकको संख्या ६२ हजार ९ सय ६ पुगेको छ ।

यस्तै स्पेनमा बिहीबार मात्रै २ हजार ७ सय ४० जनामा संक्रमण पुष्टि भएको छ भने २ सय ६८ जनाको मृत्यु भएको छ । स्पेनमा संक्रमितको संख्या २ लाख ३९ हजार ६ सय ३९ पुगेको छ भने २४ हजार ५ सय ४३ जनाको मृत्यु भएको छ ।

इटालीमा पछिल्लो २४ घण्टामा १ हजार ८ सय ७२ जना संक्रमित थपिएका छन् भने २ सय ८५ जनाको मृत्यु भएको छ । इटालीमा संक्रमितको संख्या २ लाख ५ हजार ४ सय ६३ पुगेको छ भने मृतकको संख्या २७ हजार ९ सय ६७ पुगेको छ ।

यस्तै बेलायतमा बिहीबार मात्रै ६ हजार ३२ जना नयाँ संक्रमित थपिदा ६ सय ७४ जनाको मृत्यु भएको छ । बेलायतमा अहिलेसम्म १ लाख ७२ हजार ४ सय ७८ जना संक्रमित हुँदा २६ हजार ८ सय ४२ जनाको मृत्यु भएको छ ।

फ्रान्समा पछिल्लो २४ घण्टामा ७ सय ५८ जना नयाँ संक्रमित थपिदा २ सय ८९ जनाको मृत्यु भएको छ । फ्रान्समा १ लाख ६७ हजार २ सय ९९ जना संक्रमित भएका छन् भने २४ हजार ४ सय १० जनाको मृत्यु भएको छ ।

जर्मनमीमा बुधबार १ हजार ४ सय ७० मा कोरोना पुष्टि भएको छ भने १ सय ५६ जनाको मृत्यु भएको छ । यहाँ संक्रमितको संख्या १ लाख ६३ हजार ९ पुगेको छ भने कोरोनाबाट ज्यान गुमाउनेको संख्या ६ हजार ६ सय २३ रहेको छ ।

रुसमा संक्रमितको संख्या १ लाख ६ हजार ४ सय ९८ पुगेको छ भने १ हजार ७३ जनाको मृत्यु भएको छ । यहाँ पछिल्लो २४ घण्टामा ७ हजार ९९ जना संक्रमित थपिदा १ सय १ जनाको मृत्यु भएको छ ।

छिमेकी मुलुक भारतमा संक्रमितको संख्या ३४ हजार ८ सय ६३ पुगेको छ भने मृतकको संख्या १ हजार १ सय ५४ पुगेको छ । बुधबार मात्रै भारतमा १ हजार ८ सय १ जना संक्रमित हुँदा ७५ जनाको मृत्यु भएको छ ।

नेपालमा भने पछिल्लो २४ घण्टामा कुनै पनि नयाँ संक्रमित भेटिएको छैन् । नेपालमा कोरोना संक्रमितको संख्या ५७ छ ।
......................