ऋषि कपुरको अन्तिम संस्कार आजै, लकडाउनले गर्दा फिल्मकर्मीसमेत जान पाएनन्

आज बिहान निधन भएका बलिउड अभिनेता ऋषि कपुरको आज अपराह्न अन्तिम संस्कार हुने भएको छ। कोरोना भाइरसको संक्रमणका कारण भारतमा लकडाउन भएकाले अन्तिम संस्कारमा सामाजिक दूरी कायम गरिदिन परिवारका सदस्यले अनुरोध गरेका छन्।

ऋषिकी छोरी रिद्दिमा दिल्लीबाट मुम्बई आएपछि उनको अन्तिम संस्कार हुने बताइएको छ। रिद्दिमालाई चार्टर्ड प्लेनबाट मुम्बई आउनका लागि प्रशासनले अनुमति दिएको भारतीय सञ्चारमाध्यमले उल्लेख गरेका छन्।

ऋषिको अन्तिम संस्कार मुम्बईको मुम्बइको चन्दनवाडीमा उनको अन्तिम संकार गरिनेछ। ऋषिको निधन भएको अस्पतालमा छोरा रणवीर कपुर, पत्नी नितु सिंह, नायिका आलिया भट्ट, नायक सैफअली खान, नायिका करिना कपुर, नायक अभिषेक बच्चन लगायत पुगेका छन्।

यसअघि हिजो निधन भएका अभिनेता इरफान खानको अन्तिम संस्कारमा २० जनामात्र सहभागी थिए भने गत शनिबार निधन भएकी इरफानकी आमाको अन्तिम संस्कारमा इरफान आफैं सहभागी हुन पाएका थिएनन्।