जाजरकोटमा ९ वर्षीया बालिकालाई दादुरा संक्रमण

सुर्खेत- जाजरकोटमा एक बालिकामा दादुरा संक्रमण पाइएको छ। भेरी नगरपालिका–१ रावतगाउँकी ९ वर्षीया रन्जीता विकलाई दादुरा भएको हो। 

दुई हप्तादेखि रुघाखोकी र ज्वरोबाट ग्रसित बालिकामा क्षेत्रीय प्रयोगशाला नेपालञ्जमा गरिएको परीक्षणले दादुरा संक्रमण पुष्टि गरेको हो।  लामो समयदेखि रुघाखोकी र ज्वरोबाट ग्रसित भएपछि जिल्ला स्वास्थ्य कार्यालयले दादुराको आशंकामा परीक्षणका लागि स्वाब नेपालगञ्ज पठाएको थियो। 

सामुदायिक स्वास्थ्य केन्द्र पिपेका इन्चार्ज दलराज विकका अनुसार दादुरा संक्रमित बालिका खतरामुक्त छिन्। बालिकामा दादुरा पुष्टि भएपछि रावतगाउँका १८ जना बालबालिकाको स्वाव संकलन गरिएको छ। 

ती बालिकालाई दादुरा–रुवेला बिरुद्धको खोपसमेत लगाइएको परिवारले जनाएका छन्। दादुरा रोगको भाइरस तीब्र गतिमा अन्य बालबालिकामा फैलिने भएका कारण निकै जोखिमपूर्ण मानिन्छ। सन् २०२३ सम्म नेपाललाई दादुरा मुक्त देश घोषण गर्ने लक्ष्य लिइएको छ।