इण्डोनेसियाको जेलमा आगलागी हुँदा ४१ कैदीको मृत्यु
जाकर्ता- इण्डोनेसियाको राजधानी जाकर्तास्थित एक जेलमा आगलागी हुँदा ४१ कैदीको मृत्यु भएको छ। राजधानी जाकर्तास्थित क्षमताभन्दा बढी कैदी राखिएको जेलमा आगलागी भएको हो।
जार्कताको ताङेराङ जेलमा बुधबार कैदीहरु सुतिरहेको समयमा आगलागी भएको बीबीसीले जनाएको छ। गार्डले आगलागी सुरु भएलगत्तै ढोका खोलि दिए पनि धुवाँको मुस्लोले भरिएपछि बाहिर निस्किन समस्या भएको हो।
४० जना कैदी क्षमता भएको जेलको ब्लक सीमा १२२ जना कैदीहरु राखिएका थिए। घाइते भएका दुई विदेशीहरुको पनि मृत्यु भएको छ। जसमा एकजना पोर्चुगल र एक जना दक्षिण अफ्रिकी रहेका छन्।
इण्डोनेसियाका कानुन तथा मानवअधिकार मन्त्री यासोना लाओलीले पत्रकार सम्मेलनका क्रममा मृत्यु भएका व्यक्तिहरुको बारेमा सम्बन्धित राष्ट्रका दूतावासलाई खबर गरिएको छ।
आठ जना गम्भीर घाइते भएका छन् भने करिब एक दर्जन सामान्य घाइते भएका छन्।
अमेरिकी पूर्वराष्ट्रपति डोनाल्ड ट्रम्प पक्राउ, उनीमाथि ३४ आरोप
बंगलादेशको कपडा बजारमा ठूलो आगलागी
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com