अभिनेता अक्षय कुमारलाई मातृशोक

बलिउड अभिनेता अक्षय कुमारलाई मातृशोक परेको छ। उनकी आमा अरुणा भाटियाको बुधबार बिहान निधन भएको हो।

नेपाल समय | बुधबार, भदौ २३, २०७८

नेपाल समय

बुधबार, भदौ २३, २०७८

काठमाडौं– बलिउड अभिनेता अक्षय कुमारलाई मातृशोक परेको छ। उनकी आमा अरुणा भाटियाको बुधबार बिहान निधन भएको हो।

अक्षय कुमारकी आमाको मुम्बईस्थित हिरानन्दानी अस्पतालको आईसीयूमा उपचार भइरहेको थियो। आमा गम्भीर बिरामी भएपछि अक्षय कुमार लन्डनबाट फिल्म छायांकन बीचमै रोकेर भारत फर्किएका थिए।

आमाको निधनको जानकारी अक्षय कुमार आफैंले दिएका छन्। ट्विट गर्दै उनले भनेका छन्, ‘उहाँ मेरो मूल हुनुहुन्थ्यो। आज म निको नहुने घाउ महसुस गरिरहेको छु। मेरी आमा अरुणा भाटियाले आज बिहान शान्तिपूर्वक यो संसार छोडेर मेरो बुबासँग अर्को संसारमा प्रस्थान गर्नुभएको छ। म र मेरो परिवार यो अवस्थाबाट गुज्रिरहँदा तपाईंहरूको प्रार्थनाको कदर गर्छु। ओम शान्ति।’

प्रकाशित: Sep 08, 2021| 12:50 बुधबार, भदौ २३, २०७८