दिवंगत पिताको सम्झनामा आमेशको गीत [भिडियोसहित]

कलाकार आमेश भण्डारीले दिवंगत पिताको सम्झनामा गीत सार्वजनिक गरेका छन्। मंगलबार बुबाको मुख हेर्ने दिनको अवसर पारेर उनले ‘बाबा’ बोलको गीत सार्वजनिक गरेका हुन्।

नेपाल समय | मंगलबार, भदौ २२, २०७८

नेपाल समय

मंगलबार, भदौ २२, २०७८

दिवंगत पिताको सम्झनामा आमेशको गीत [भिडियोसहित]

काठमाडौं– कलाकार आमेश भण्डारीले दिवंगत पिताको सम्झनामा गीत सार्वजनिक गरेका छन्। मंगलबार बुबाको मुख हेर्ने दिनको अवसर पारेर उनले ‘बाबा’ बोलको गीत सार्वजनिक गरेका हुन्।

गीतमा आमेशकै स्वर, शब्द र संगीत रहेको छ। भिडियोमा उनी आफैं फिचर छन् भने उनको पिताको भूमिका शोभित बस्नेतले निभाएका छन्। त्यस्तै, आमेशको बाल्यकालको भूमिकामा अवश्य भण्डारी फिचर छन्।

यसै वर्ष आमेशका पिताको निधन भएको थियो। उनी पिताकै साथ, हौसला र प्रेरणाले फिल्म क्षेत्रमा आएका थिए। गीतको भिडियोमार्फत उनले पिताले आफूलाई गर्ने प्रेम देखाएका छन्। भिडियोमा पिता र सन्तानबीचको भावनात्मक सम्बन्धलाई देखाइएको छ ।

सुरेश न्यौपानेको कन्सेप्ट र निर्देशन रहेको भिडियोलाई संकल्प भुजेलले खिचेका हुन्। आमेशले यसअघि ‘मेरो लागि तिमी’, रुम नम्बर १०८’ गीत पनि गाइसकेका छन्। ‘फूलै फूलको मौसम तिमीलाई’ बाट नायकको रुपमा डेब्यू गरेका उनले ‘तँ म र ऊ’ र ‘मेला’ चलचित्रमा पनि अभिनय गरेका छन्।