रियल मड्रिड म्यान्चेस्टर सिटीसँग पराजित

एजेन्सी- स्पोनिस जाएन्ट रियल मड्रिड च्याम्पियन्स लिगअन्तर्गत बुधबारराति भएको खेलमा इंग्लिस क्लब म्यान्चेस्टर सिटीसँग पराजित भएको छ।

मड्रिडको घरेलु मैदान सान्टियागो बर्नाबेउमा सम्पन्न खेलमा ऊ प्रिमियर क्लबसँग १-२ को गोलअन्तरले पराजित भएको हो।

खेलेको पहिलो हाफ गोलरहित बराबरीमा सकिएको थियो। दोस्रो हाफमा रियलले गोल गर्दै सुरुवाती अग्रता बनायो। उसका लागि स्कोले गोल गरेर खेलको ६० मिनेटमा अग्रता दिलाएका थिए।

तर रियलको अग्रता धेरै समय टिक्न सकेन। ७८ औं मिनेटमा सिटीका ग्याब्रियल जेससले गोल गर्दै खेललाई बाराबरीमा ल्याए।

खेलको ८२ औं मिनेटमा कार्भान्जेलले आफ्नै डि बक्समा स्टालिङलाई लडाएपछि रिटीले पेनाल्टी पाएको थियो। सो पेनाल्टीमा पाएको अवसरको सदुपयोग गर्दै उसका केभिन डे ब्रुटले गोल गरे।

घरेलु मैदानमा १–२ गोलले पछि परेको रियलका कप्तान रामोसले खेलको ८५ औं मिनेटमो रेड कार्ड खाँदै बाहिरिँदा रियल दबाबमै थियो।

यी टोलीको दोस्रो लेगको खेल मार्च १८ मा सिटीको घरेलुमैदानमा हुने छ।