दक्षिण अफ्रिकाद्वारा अस्ट्रेलिया पराजित
पोर्ट एलिजावेथ– दक्षिण अफ्रिकाले घरेलु मैदानमा जारी टी–२० क्रिकेट शृंखलाको दोस्रो खेलमा अस्ट्रेलियालाई पराजित गरेको छ।
पोर्ट एलिजावेथमा आइतबार राति भएको खेलमा दक्षिण अफ्रिकाले अस्ट्रेलियालाई १२ रनले हराएको हो।
१ सय ५९ रनको लक्ष्य पछ्याएको अस्ट्रेलियाले २० ओभरमा ६ विकेट गुमाएर १ सय ४६ रन मात्र बनाउन सक्यो। डेभिड वार्नरले अविजित ६७ रनको अर्धशतकीय पारी खेले पनि टोलीलाई जित दिलाउन सकेनन्।
यस्तै, स्टिभ स्मिथले २९ रनकाे याेगदान दिँदा आरोन फिन्च र एलेक्स केरीले समान १४ रन बनाए ।
बलिङतर्फ दक्षिण अफ्रिकाका लुंगी नेग्दीले सर्वाधिक ३ विकेट लिए ।
यसअघि टस जितेर पहिले ब्याटिङ गरेको दक्षिण अफ्रिकाले २० ओभरमा ४ विकेट गुमाएर १ सय ५८ रन बनाएको थियो।
दक्षिण अफ्रिकाका लागि कप्तान क्विन्टन डी ककले ७० रनको अर्धशतकीय पारी खेल्दा भान डेर डुसेनले ३७ रन बनाए।
बलिङतर्फ स्ट्रेलियाका केन रिचार्डसनले २ विकेट लिए।
जितसँगै दक्षिण अफ्रिकाले ३ खेलको शृंखलामा १–१ को बराबरी गरेको छ। यसअघि पहिलो खेलमा अस्टेलिया १ सय ७ रनले विजयी भएको थियो।
एसी मिलानसँग नेपोली पराजित
चेन्नईमाथि राजस्थानको संघर्षपूर्ण जित
जिरोनाको गोलरक्षकका सामु निरिह बन्दा बार्सिलोना गोलरहित बराबरीमा
बैंगलोरमाथि लखनउलाई एक रनको रोमाञ्चक जित
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com