कैलालीमा विंगर र अटो ठोक्किँदा तीन जनाको मृत्यु, चार घाइते

धनगढी- कैलालीमा विंगर र अटो एक आपसमा ठोक्किँदा तीन जनाको मृत्यु भएको छ। दुर्घटनामा चार जना घाइते भएका छन्।

अटोमा सवार रहेका ७ जनामध्ये तीन जनाको उपचारको क्रममा मृत्यु भएको र चार जना घाइते भएको प्रहरीले जनाएको छ।

दुर्घटनामा अटोमा सवार घोडाघोडी नगरपालिका-९ का २४ वर्षीय युवराज चौधरी, २६ वर्षीय भिगम चौधरी र १९ वर्षीय जितेन चौधरीको मृत्यु भएको प्रहरीले जनाएको छ। उनीहरूको सेती प्रादेशिक अस्पतालमा उपचारको क्रममा ज्यान गएको जिल्ला प्रहरी कार्यालय कैलालीका प्रहरी नायव उपरीक्षक प्रतिक बिष्टले बताए। 

दुर्घटनामा घोडाघोडी नगरपालिका वडा नम्बर-९ का २४ वर्षीय दीपेन्द्र चौधरी, अटो चालक २२ वर्षीय सुरेश चौधरी, २० वर्षीय असान्त चौधरी र ३० वर्षीय हरी चौधरी घाइते भएको प्रहरी नायव उपरीक्षक बिष्टले बताए। 

घाइते चार जनाको धनगढीस्थित माया मेट्रो अस्पतालमा उपचार भइरहेको बिष्टले बताए। विंगरका चालक कञ्चनपुरको बेदकोट नगरपालिका वडा नम्बर-१० का २५ वर्षीय धनु रावललाई नियन्त्रणमा लिएको उनले बताए।

पूर्वपश्चिम राजमार्गअन्तर्गत गौरीगंगा नगरपालिका–४, राजीपुरमा शुक्रबार राति ११ बजेतिर म१ज ३१९ नम्बरको विंगर र से१ह २५१० नम्बरको अटो एक आपसमा ठोक्किँएको थियो।