अमिताभ बच्चन अभिनित ‘उचाइ’ फिल्म नेपालमा सुटिङ हुने

बलिउड अभिनेता अमिताभ बच्चन नेपाल आउने भएका छन्।

नेपाल समय | शुक्रबार, भदौ १८, २०७८

नेपाल समय

शुक्रबार, भदौ १८, २०७८

अमिताभ बच्चन अभिनित ‘उचाइ’ फिल्म नेपालमा सुटिङ हुने

काठमाडौं- बलिउड अभिनेता अमिताभ बच्चन नेपाल आउने भएका छन्। सिनेमा छायाँकनका लागि उनी नेपाल आउन लागेका हुन्। भारतीय मिडिया दैनिक भास्करका अनुसार सुरज बड्जत्याको निर्माण र निर्देशन रहने ‘उचाइ’ फिल्मको छायांकनका लागि अर्को महिना उनी नेपाल आउन लागेका हुन्।

मित्रताको कथामा आधारित रहेर निर्माण हुने भनिएको फिल्ममा अमिताभसँगै अनुपम खेर, बोमन इरानी, नीना गुप्ता, पंकज त्रिपाठीलगायतको अभिनय रहनेछ।

राजश्रीको ब्यानरमा निर्माण हुने फिल्मका लागि अमिताभ बच्चनले नेपालमा ४० देखि ४५ दिन बिताउने बताइएको छ। कोरोना भाइरसले सिर्जित अवस्थाका कारण नेपालमा फिल्मनगरी तंग्रिने तयारीमा रहेका बेला बलिउडका ठूला स्टार अमिताभ नेपाल आउनुलाई सकारात्मक मानिएको छ।

अमिताभ बच्चन यसअघि पनि नेपाल आएका थिए। उनी ‘खुदा गवाह’ र ‘महान’ फिल्मको सुटिङका क्रममा नेपाल आएका थिए ।

प्रकाशित: Sep 03, 2021| 09:58 शुक्रबार, भदौ १८, २०७८