विराट गोल्डकपमा ८ लाख नाफा

विराटनगरमा गत वैशाखमा सम्पन्न विराटगोल्डकपको हिसाव बुधबार सार्वजनिक गरिएको छ।

नेपाल समय | बिहीबार, भदौ १७, २०७८

नेपाल समय

बिहीबार, भदौ १७, २०७८

विराटनगर- विराटनगरमा गत वैशाखमा सम्पन्न विराट गोल्डकपको हिसाव बुधबार सार्वजनिक गरिएको छ। विराट गोल्डकप फुटवल ट्रस्टले पत्रकार सम्मेलन गरि हिसाब सार्वजनिक गरेको हो।

गोल्डकप आयोजनाबाट फुटबल ट्रस्टलाई ८ लाख २ हजार ३६२ रुपैयाँ नाफा भएको गोल्डकप आयोजक समितिका संयोजक मनोजविक्रम शाहले जानकारी दिएका छन्। उनका अनुसार खेल अवधिभर १ करोड ४७ लाख ७४ हजार ५९४ रुपैयाँको कारोवार भएको छ।

फुटवल ट्रस्टलाई मुख्य प्रायोजकबाट २० लाख, प्रयोजकबाट १० लाख, सहप्रायोजकहरुबाट १७ लाख २५ हजार, व्यानर प्रयोजकबाट ८ लाख, टिकट विक्रीबाट ५९ लाख ७६ हजार १ सय आम्दानी भएको संयोजक शाहले पत्रकार सम्मेलनमा जानकारी दिएका छन्।

कोरोना संक्रमणको दोश्रो लहर सुरु हुनै लाग्दा २०७७ चैत २६ देखि २०७८ वैशाख सम्म आयोजना भएको रात्री कालिन प्रतियोगितामा १० वटा टिमले सहभागिता जनाएका थिए। आयोजकले प्रतियोगितामा पुरस्कार वापत ३५ लाख ११ हजार २०२ खर्च भएको जानकारी दिएको छ। विभिन्न चुनौतिकाबीच पनि विराट गोल्डकप आयोजना हुनु नै महत्वपूर्ण उपलब्धि रहेको आयोजक समितिका संयोजक शाहले बताए।

प्रकाशित: Sep 02, 2021| 11:00 बिहीबार, भदौ १७, २०७८