सत्यमोहन जोशीको तस्बिर अंकित चाँदीको सिक्का लोकार्पण 

सरकारले वाङ्मय शताब्दी पुरूष सत्यमोहन जोशीको तस्बिर अंकित चाँदीको सिक्का सार्वजनिक गरेको छ । 

मंगलबार ललितपुर महानगरपालिकामा आयोजित एक कार्यक्रमबीच अर्थमन्त्री युवराज खतिवडाले सिक्का सार्वजनिक गरेका हुन्।

नेपाल सरकारको स्वीकृतिमा नेपाल राष्ट्र बैंक, टक्सार महाशाखाले सत्यमोहन जोशीको तस्बिर अंकित रु. २५ सय र रु. एक हजार मूल्यका चाँदीको सिक्का निष्कासन गरेको हो।