नेपालले जित्ला त चाइनिज ताईपेलाई?

काठमाडौं- फिफा विश्वकप २०२२ को दोस्रो चरणको एसिया छनोट अन्तर्गत नेपाली राष्ट्रिय फुटबल टोलीले आज (मंगलबार) चाईनिज ताईपेको सामना गर्दै छ। खेल नेपाली समय अनुसार दिउँसो ४:५५ बजे सुरु हुने छ।
 
छनोट अन्तर्गत आफ्नो पहिलो खेलमा पराजित भएको नेपालले ताइपेलाई पराजित गर्दै पहिलो जित निकाल्ने योजनामा छ। समूहमा तुलनात्मक रुपमा कमजोर मनिएको ताइपेलाई नेपाल आफ्नो पहिलो जितको सिकार बनाउन चाहन्छ। 

नेपालले हालसम्म ताइपेसँग एक खेल मात्र खेलेको छ। गत जेठमा भएको अन्तर्राष्ट्रिय मैत्रीपूर्ण खेलमा नेपालले ताईपेसँग खेलेको थियो। उक्त खेलमा नेपालले १-१ गोलको बराबरी खेल्दा नेपालका लागि अभिषेक रिजालले गोल गरेका थिए । 

त्यसैले पनि नेपाल विश्वकप छनोटको नतिजा दोहर्योउने योजनामा रहने छ। नेपाले छनोटको पहिलो खेलमा कुवेतसँग ७-० को लज्जास्पद हार ब्यहोर्दै दुखद सुरुवात गरेको छ।