नवयुग र अजित राष्ट्रिय टोली बाहिर

काठमाडौ- नेपाली राष्ट्रिय फुटबल टोलीका स्ट्राइकर नवयुग श्रेष्ठ र डिफेन्डर अजित भण्डारी राष्ट्रिय टोली बाहिर रहने भएका छन्। निरन्तर ज्वरोले सताएपछि नवयुग टोलीबाट बाहिरिएका हुन्।

त्यस्तै अजितले कुवेतविरुद्धको खेलका दौरान चोट बोकेपछि राष्ट्रिय टोलीबाट बाहिरिएका छन्। बिरामीकै कारण नवयुगले विश्वकप छनोट अन्तर्गत कुवेतविरुद्वको खेल गृुमाएका थिए। 

अजितले कुवेतविरुद्ध खेलमा खेलको ५४ औं मिनेटमा चोट बोक्दै मैदान बाहिरिएका थिए। अजितको स्थानमा दिनेश राजवंशी मैदान प्रवेश गरेका थिए । अजितले मैदान फर्कीन करिब एक महिना लाग्ने छ। 

दुवै खेलाडीले विश्वकप छनोट अन्तर्गत चाईनिज ताईपेविरुद्वको खेल गुमाउनेछन् । अब दुबैको स्थानमा डिफेन्डर रवि सिलवाल र फरवार्ड विमल रानालाई टोलीमा बोलाइने भएको छ।