मेस्सीसँग क्लब छोड्न पाउने अधिकार सुरक्षित

एजेन्सी- बार्सिलोनाका कप्तान लियोनल मेस्सीसँग क्लब छोड्ने अधिकार रहेको बताइएको छ। उनले बार्सिलोना छोड्न चाहेको समयमा सजिलै छोड्न सक्ने उनका सहकर्मी जिरार्ड पिकेले बताएका छन्। 

मेस्सीले चाहे अर्को सिजनको अन्त्यमा विना मूल्य क्लब छोड्दै अन्य क्लबमा जान सक्ने छन्। तर मेस्सीले क्लब छोड्न चाहेमा मे महिना सकिनुअघि क्लबलाई जानकारी दिन पर्नेछ।
 
‘मलाई थाहा थियो की उनले चाहेको समयमा बिना मूल्यमा क्लब छोड्न सक्नेछन्, जुन कुरा मलाई पहिले नै थाहा थियो । तर, मेस्सीलाई बार्सिलोना छोड्न कुनै हतार भने छैन।’ 

पिकेले भने, ‘मेस्सी बार्सिलोनाका लागि एक प्रेरणा हुन् र उनको यो अधिकारले हामीलाई कुनै चिन्ता पनि छैन। उनी आफ्नो भविस्यका लागि राम्रो कदम चाल्नेछन् भन्ने विस्वास लिएको छु।’ 

मेस्सीको क्याम्प नाउमा २०२१ सम्मका लागि सम्झौता छ। रिपोर्टका अनुसार हरेक सिजनको अन्त्यमा उनले चाहे क्लबले अनुमति दिने बताइएको छ। कार्लोस पुयोल, जाभी हेर्नान्डेज र आन्द्रे इनिस्टाले समान सिजनको अन्त्यसम्मका लागि क्लबसँग सम्झौता गरेका थिए। 

मेस्सीलाई २०१७ को सम्झौतापछि यो अधिकार दिइएको थियो। मेस्सीलाई सिजनको ६ महिनापछि आफू अन्य क्लबमा जान चाहे उक्त क्लबसँग कुराकनी गर्न स्वतन्त्र हुनेछ।