रोनाल्डोले किन स्वीकारेनन् उत्कृष्ट खेलाडीको ब्याच?

एजेन्सी- स्टार खेलाडी क्रिस्टियानो रोनाल्डोले इटालियन सिरी एमा प्रदान गर्ने सबैभन्द उत्कृष्ट खेलाडीको ब्याच अस्वीकार गरेका छन्। यसै वर्षदेखी प्रदान गर्न सुरु गरेको उक्त ब्याच रोनाल्डोले अस्वीका र गरेका हुन्। 

अब यस सिजन पूरै उनको युभेन्ट्स जर्सिमा उक्त मोस्ट भ्यालुएबल खेलाडीको (एमभिपी)को ब्याच देखिने छैन्। उक्त ब्याच गत सिजन सिरी एमा उत्कृष्ट प्रदर्शन गर्ने खेलाडीलाई प्रदान गर्ने बताइएको थियो। 

गत सिजन उत्कृष्ट प्रदर्शन गरेको भन्दै नेपोलीका डिफेन्डर कालिदोउ काउलीबालीले उक्त एमभिपी ब्याच पाएका छन्। त्यस्तै लाजिओका स्टार खेलाडी मिलिनकोभिक साभिकले उत्कृष्ट मिडफिल्डरमा रुपमा एमभिपी ब्याच पाएका छन्। 

अन्तर्राष्ट्रिय सञ्चारमाध्यम दी सनमा अनुसार रोनाल्डोले आफ्नो व्यक्तिगत कारणले गर्दा उक्त ब्याच नलगाएको जनाएको छ। उनले आफ्नो टिम समहर्मीसँगको सम्बन्धलाई समधुर बनाउनका लागि उक्त ब्याच अस्वीकार गरेको जनाएको छ। 

रोनाल्डोले आफ्ना टिम सहकर्मीसँग समान जर्सी लगाएर खेल्न चाहेको बताएका छन्। किनकी आफु आफ्नो टोलीमा एक फरक जर्सीमा सवैश्रेष्ठ खेलाडीको रुपमा मैदान उत्रिदा अन्य खेलाडीलाई अपमान हुने रोनाल्डोको भनाइछ।