नवलपुर पहिरोमा बेपत्ता तीनै जनाको शव फेला

जिल्ला प्रहरी कार्यालय नवलपरासीपूर्व नवलपुरका सूचना अधिकारी मधुसुदन सिंहले शनिबार सुरक्षाकर्मी थप गरी परिचालन गरिएको र उक्त टोलीले शव फेला पारेको बताए। पहिरोमा पुरिएर एकै घरका तीन जना बेपत्ता भएका थिए।

नेपाल समय | शनिबार, भदौ १२, २०७८

नेपाल समय

शनिबार, भदौ १२, २०७८

नवलपुर पहिरोमा बेपत्ता तीनै जनाको शव फेला

नवलपुर- पहिरोमा परी बिहीबार रातिदेखि बेपत्ता तीन जनाको शव फेला परेको छ। नवलपरासी (बर्दघाट सुस्तापूर्व) नवलपुरको हुप्सेकोट गाउँपालिका–४ को माथिल्लो चार घरेमा अविरल वर्षाका कारण शुक्रबार बिहान २ बजेको समयमा पहिरोमा परी बेपत्ता भएका तीनै जनाको शव शनिबार दिउँसो फेला परेको हो।

हुप्सेकोट–४ माथिल्लो चारघरेका हस्तबहादुर पुलामीकी श्रीमती ४० वर्षीया धनमाया पुलामी, नातिनी ७ वर्षीया भूमिसरा पुलामी र ६ वर्षीया देउमाया पुलामी राति सुतिरहेको समयमा एक्कासी आएको पहिरामा परी बेपत्ता भएका थिए। हस्तबहादुर पुलामीको भने घाइते अवस्थामा उद्धार गरिएको थियो।

प्रकाशित: Aug 28, 2021| 19:27 शनिबार, भदौ १२, २०७८