एभिसी सेन्ट्रल जोन भलिबलको तयारी पुरा

काठमाडौं- नेपालमा आयोजना हुने एसियन भलिबल कन्फेडेरेसन (एभिसी) सेन्ट्रल जोन सिनियर पुरुष भलिबल प्रतियोगिताको सम्पूर्ण तयारी पुरा भएको छ । नेपाल भलिबल संघले मंगलबार पत्रकार सम्मेलन गर्दै भदौ २ देखि ७ गतेसम्म संचालन प्रतियोगिताको सम्पूर्ण तयारी पुरा भएको जनाएको हो ।

प्रतियोगिताका सम्पूर्ण खेलहरु लगनखेलस्थित सैनिक शारीरिक तालिम तथा खेलकुद केन्द्रमा हुने छछन् । एसियन भलिबल संघको संयोजनमा हुने प्रतियोगितामा नेपालसहित बंगलादेश, माल्दिभ्स, अफगानिस्तान, किर्गिस्तान, तुर्किमिनिस्तान र उज्वेकिस्तानसहित ७ टोलीको सहभागिता रहेको छ । 

प्रतियोगिताका लागि अफगानिस्तान मंगलकार नेपाल पुगि सकेको छ भने अन्य टोली १७ अगस्टभित्र आइपुगिसक्ने संघले जनाएको छ । प्रतियोगिताको खेल तालिका भने टेक्निकल टिमको बैठकपछि केहि दिनमा सार्वजनिक गरिने संघले जनाएको छ। त्यस्तै नेपालले प्रतियोगिताको लागि अफगानिस्तानसँग साउन ३० र ३१ मैत्रीपूर्ण खेल खेल्ने छ ।