शाको प्रतिबन्धले जोफ्राका चार वर्ष पुराना ट्वीटको चर्चा

एजेन्सी- भारतीय क्रिकेटर पृथ्वी शालाई डोपिङको आरोपमा ८ महिनाको प्रबन्ध लगाएको छ । भारतीय क्रिकेट बोर्ड (बिसिसिआई)ले मंगलबार शालाई आठ महिनाको प्रतिबन्ध लगाएसँग इंग्ल्यान्डका तिब्र गतिका बलर जोफ्रा आर्चकरको ट्वीटले चर्चा पाएको छ । 

अचम्मको विषय यो छ की जोफ्राको चार वर्ष पुरानो ट्वीटले पुनः चर्चा पाएको छ । उनले सन् २०१५ मा ट्वीट गरेका थिए । उक्त ट्वीटमा जोफ्राले ‘अनलक्की शा’ लेखेर ट्वीट गरेका थिए । जोफ्राको उक्त ट्वीट देखेर क्रिकेट दुनिया नै चकित भएको छ । 

उनको चार वर्ष पुरानो ट्वीट हाल सही सावित भएको रिपोर्टले उल्लेख गरेको छ । कसैले उनको ट्वीटलाई लिएर जोफ्रासँग ‘टाइम मसिन’ रहेको बताएका छन् भने कसैले उनलाई भविष्यवाणी गर्ने क्रिकेटरको उपनाम दिएका छन् । 

तर, उक्त चार वर्ष पुरानो ट्वीटको सत्त्यता भने अर्के छ । यसको सत्त्यता के हो भने जोफ्राले उक्त ट्वीट पृथ्वी शाका लागि नभएर इंग्लिस फुटबलर ल्युक शालाई लिएर गरेको बताईएको छ । उक्त समय च्याम्यिन्स लिग दौरानको खेलमा ल्युक शा घाइते भएका थिए । 

उनले चार वर्ष पहिले ल्युक शालाई लिएर गरेको ट्वीटलाई लिएर पृथ्वी शासँग जोड्दै भाइरल बनाइएको हो । जहाँ भारतीय क्रिकेट समर्थकले जोफ्राको ट्वीटलाई लिएर ‘बाबा तपाई मेरो कुन्डी पनि हेर्नु’ खेलेका छन् । 

यसअघि केही दिन अगाढी आयरल्यान्डसँगको टेस्ट खेलमा इंग्ल्यान्ड सस्तैमा समेटिदा पनि जोफ्राको चार वर्ष पुरानो ट्वीट चर्चामा आएको थियो । यसअघि इंग्ल्यान्डले विश्वकप जितेपछि पनि जोफ्राको चार वर्ष पुरानो ट्वीट चर्चाका आएको थियो । 

उनले ५ जुलाई २०१५ मा सुपर ओभर लेख्दै ट्वीट गरेका थिए । त्यसपछि ६ बलमा १६ रनको कुरा गरेका थिए । त्यसपछि न्युजिल्यान्ड कसरी हार्यो? सुपर ओभर टाई भएपछि बाउन्ड्री काउन्टको नियमको बकवास बताएका थिए । यी सब ट्वीट जोफ्राले चार वर्ष अगाडी गरेका थिए ।