लिभरपुलको सहज जित

एजेन्सी- इंग्लिस पिमियर लिग क्लब लिभरपुलले फ्रान्सेली क्लब लियोनमाथी सज जित निकालेको छ । बुधबार राती भएको मैत्रिपूुर्ण खेलमा लिभरपुलले लियोनलाई ३-१ गोलले पराजति गरेको हो । 

प्रि-सिजनको अन्तिम खेलमा जित निकालेको लिभरपुलले सुखद अन्त्य गरेको छ ।  लिभरपुलका लागि रोबर्टो फिर्मिन्नो र ह्यारी विलसनले एक एक गोल गर्दा एक गोल आत्मघाती उपहार पाएको थियो । 

लियोनका लागि मेम्फिस डिपेले सुरुवाती अग्रता जोगाउन नसक्दा लियोन लिभरपुलसँग ३-१ ले पराजित भएको हो । खेलको चौथो मिनेटमा नै मेम्फिसले पेनाल्टीमा गोल गर्दै लियोनलाई अग्रता दिलाए । १७ औ मिनेटमा रोबर्टो फिर्मिन्होले गोल गर्दै खेल १-१ को बराबरीमा ल्याए । 

२१ औं मिनेटमा जोचिम एन्डरसनले आत्मघाति गोल उपहार दिए पछि लिभरपुल २-१ ले अघि बढ्यो । तयसपछि दोस्रो हाफमा ह्यारीले थप एक गोल गर्दै लिभरपुललाई ३-१ को जित दिलाए । 

उनले खेलको ५३ औं मिनेटमा गोल गरेका थिए । अब लिभरपुले अगस्ट ४ तारिख लिग च्याम्पियन म्यानचेष्टर सिटीसँग कम्युनिटी शिल्डमा भिड्नेछ ।