युनाइटेडको संघर्षपूर्ण जित

एजेन्सी- म्यानचेष्टर युनाईटेडले प्रि-सिजन अन्तर्गत क्लब मैत्रिपूर्ण खेलमा क्रिस्टियनसन्डसँग संघर्षपूर्ण जित निकालेको छ । मंगलबार राती भएको खेलमा क्रिस्टियनसन्डलाई १-० गोलले पराजति गर्दै संघर्षपूर्ण जित निकालेको हो ।

पहिलो हाफ बराबरी भएको खेलको दोस्रो हाफमा गोल गर्दै युनाइटेडले जित निकाल्यो । युनाइटेडका लागि खेलको एकमात्र निर्णायक गोल जुवान माटाले गरे । उनले खेलको इन्जुरी समयमा पेनाल्टीमा गोल गर्दै युनाइटेडलाई जित दिलाए ।  

पाउल पोग्बाले उपलब्ध गराएको पासलाई लिने क्रममा माटालाई डिबक्सभित्र फल गरिएको थियो । प्राप्त पेनाल्टीमा उनले गोल गरे । तर पोग्बा बैकल्पिक खेलाडीको रुपमा मैदान छिरेर प्रभाव देखाउन सफल रहे । उनी सिजनको पहिलो खेलमा चेल्सीविरुद्व सुरुवातमै रहेर मैदानमा देखिनेछन् ।