भारतलाई श्रीलंकाको मध्यम लक्ष्य

एजेन्सी- एन्जेलो म्याथुजको शतकको मद्दतले भारतलाई जितका लागि २ सय ६५ रनको मध्यम लक्ष्य सुम्पको छ । टस जितेर पहिले ब्याटिङ गर्ने निर्णय गरेको श्रीलंकाले निर्धारित ५० ओभरमा ७ विकेट गुमाउदै २ सय ६४ रन जोडेको हो ।

खराव सुरुवात गरेको श्रीलंकाका लागि म्याथुजले शतकीय पारी खेले । उनले १२८ बलमा १० चौका र २ छक्का प्रहार गर्दै ११३ रनको शतकीय पारी खेलेका हुन् । उनले लाहिरु थिरिमानेसँग १२४ रनको साझेदारी गरेका थिए । 

थिरिमानेले ५३ रनको अर्धशतकीय पारी खेलेका थिए । उनले ६८ बलमा ४ चौका प्रहार गर्दै ५३ रनको अर्धशतकीय पारी खेलेका हुन् । १७ रन पुग्दा पहिलो विकेटको रुपमा दिमुथ करुनारत्नेलाई गुमाएको श्रीलंकाले दोस्रो विकेटको रुपमा ४० रन पुग्दा कुसल परेरालाई गुमाएको थियो । 

करुनारत्ने १८ रनमा पेभिलियन फर्किएका थिए भने परेरा १८ रनमा आउट भए । त्यस्तै अभिशका फेर्नान्डो २० जोड्दा धनन्जय डी सिल्भा २९ रनमा अविजित रहे। भारतका लागि जसप्रित बुमराहले तीन विकेट लिए । हार्दिक पाण्डेय, रबिन्द्र जडेजा, भुवेनेश्व कुमार र कुलदीप यादवले समान एक एक विकेट लिए ।