मेस्सीको स्थान लिन सक्ने चार अर्जेन्टिनी खलाडी

एजेन्सी- अर्जेन्टिनाका कप्तान लियोन मेस्सी पछिल्लो समय निराश देखीएका छन् । कोपा अमेरिका अन्तरगत सेमिफाइनलमा पराजय भोगेसँगै उनको देशका लागि उपाधि जित्ने सपना अधुरो रहेको छ । 

३२ वर्षीय मेस्सीले २०२२ मा कतारमा हुने विश्वकप खेल्ने या नखेल्ने कुनै निश्चित छैन् । कतार विश्वकपमा उनको उमेर ३४ वर्ष पुग्ने छ । प्रभावशाली खेलाडी भए पनि एक समय मैदानमा उनको उमेरले असर गर्ने नै छ । 

त्यसैले अब अर्जेन्टिनाले विश्वकाम महन खेलाडी विनानै अन्य खेल योजनाको सुरुवात गर्न जरुरि छ । त्यसैले उनको स्थान लिन सक्ने र विकल्पको रुपमा खेलाडी तयार गर्न अर्जेन्टिनालाई जरुरी छ । टोलीमा मेस्सीको स्थान लिन सक्ने चार खेलाडी ।

लौटारो मार्टिनेज

लौटारोले सन् २०१८ बाट अर्जेन्टिनी टोलीमा डेब्यु गरेका थिए । उनी अबको नयाँ पिढीका लागि अर्जेन्टिनी सुपरस्टार खेलाडी बन्नछक्से क्षमता भएका खेलाडी हुन् । किनकी उनले यसै वर्ष अर्जेन्टिनाका लागि ७ खेलमा पाँच गोल गरेका छन् । 

२१ वर्षीय मार्टिनेज यस अघिनै क्लब र देशम लागि उत्कृष्ट प्रदर्शन गरि सकेका छन् । उनले अर्जेन्टिनामा नै रेसिंग क्लबबाट आफ्नो व्यवसाहित फुटबल जीवनको सुरु गरेका थिए । उनले पछिल्लो सिजन इन्टर मिलानमा जानु भन्दा पहिले ६० खेलमा २७ गोल गरेका थिए । 

मिलानमा उनले माउरो इकार्डीको एक विकल्पको रुपमा खेलेका थिए । तर, इकार्डी स्क्वार्डबाट बाहिरिए पछि मार्टिनजले खेल्ने अवसर पाए । मिलानका लागि सबै खाले ३५ खेल खेल्दै ९ गोल गरेर सिजनको अन्त्य गरे । मार्टिनेजले अर्जेन्टिनाका लागि ११ खेलमा ६ गोल गरेका छन् । 

जिओवानी लो सेल्सो

अर्जेन्टिनालाई हाल एक रचनात्मक प्रभावशाली मिडफिल्डरको आवस्यकता पेरको छ । यस अवसरमा जिओवानी लो सेल्सो एक विकल्प हुन सक्छन् । मेस्सीले सन्यास लिए अर्जेन्टिनालाई अवसर सृजना गर्ने सक्ने र गोल गर्न सक्ने खेलाडीको आवस्यक पर्ने छ । 

जुन जिओवानीले पुरा गर्न सकिने अनुमान गरिन्छ । पिएसजीबाट लोनमा रियल बेटीस पुगेको २३ वर्षीय जिओवानीले पछिल्लो सिजन ला लिगाका ३२ खेलमा ९ गोल गरे । 

उनले सबै खाले ४५ खेलमा १६ गोल गरेका थिए । उनले रियलका लागि ६ अवसर सृजना गरेका थिए । जुन ला लिगामा असिस्ट गर्ने १० औं खेलाडी बने ।

पाउलो डिबाला

दुनियाका यस्तो खेलाडी छैनन् । जो मेस्सीसँग मिल्दो जुल्दो अन्दाजमा छन् । तर, पाउलो डिबला प्राय देश र क्लबमा मेस्सीको विकल्पको रुपमा चर्चा गर्न सकिन्छ। उनी युभेन्ट्समा एक खेलाडीमा रुपमा उदाएका छन् । 

उनले युभेन्ट्सका लागि १८२ खेल खेल्दै ७८ गोल गरेका छन् । यससँगै उनले ३१ असिस्ट समेत गरेका छन् । उनले अजेन्टिनाका लागि २२ खेलमा १ गोल मात्र गरे पनि उनी सम्भावना बोकेका खेलाडी भने हुन् । 

माउरो इकार्डी

सन् २०१३ १४ को सिजनको सुरवातमा इन्टर मिलानका लागि २१९ खेलमा १२४ गोल गर्दै इकार्डी विश्वका सर्वश्रेष्ठ फर्वाड मध्यका एक बने । तर, उनलाई २०१३ मा अर्जेन्टिना टोलीमा डेब्यु गरेपछि देशका लागि गा्ल गर्न लामै समय कुर्नु पर्यो । 

उनले २०१८ मा एक गोल गरेका छन् । उनले मेक्सीकोविरुद्धको खेलमा एक गोल गरेका थिए । तर, उनी हाल टोलीबाट बाहिर रहेका छन् ।