क्रियाशील सदस्यको नामावली तत्काल सार्वजनिक गर्नुपर्छ : महामन्त्री कोइराला

नेपाली कांग्रेसका महामन्त्री डा शशांक कोइरालाले तत्काल क्रियाशील सदस्यहरूको नामावली सार्वजनिक गर्नुपर्ने बताएका छन्।

नेपाल समय | बुधबार, भदौ ९, २०७८

नेपाल समय

बुधबार, भदौ ९, २०७८

क्रियाशील सदस्यको नामावली तत्काल सार्वजनिक गर्नुपर्छ : महामन्त्री कोइराला

काठमाडौं- नेपाली कांग्रेसका महामन्त्री डा शशांक कोइरालाले तत्काल क्रियाशील सदस्यहरूको नामावली सार्वजनिक गर्नुपर्ने बताएका छन्। भदौ १८ गते महाधिवेशन सुरु गर्नुपर्ने भएकाले तत्काल क्रियाशीलहरूको सूची सार्वजनिक गर्नुपर्ने महामन्त्री कोइरालाले बताएका हुन्।

पार्टी कार्यालय सानेपालमा सुरु भएको जिल्ला सभापतिहरूको रिले अनशनलाई सम्बोधन गर्दै डा कोइरालाले भने, 'भदौ १८ गते भनेका छौँ। आजसम्म नामवली आएको छैन। चाँडोभन्दा चाँडो सार्वजनिक गर्नुपर्छ। ७७ जिल्लामा एकैपटक चुनाव गर्नुपर्छ।'

उनले जिल्ला सभापतिहरूको माग जायज भएको समेत बताए। 'जिल्ला सभापतिहरूले जायज माग राख्नु भएको छ। त्यसैले हामी यहाँ आएका हो,' उनले भने।

प्रकाशित: Aug 25, 2021| 16:26 बुधबार, भदौ ९, २०७८