एपिएफका दुवै जोडी मिश्रित युगल फाईनलमा

नेपालगञ्ज- नेपाल एपिएफका दुवै जोडी आठौं राष्ट्रिय खेलकुद अन्तर्गत ब्याडमिन्टन प्रतियोगितामा फाईनल प्रवेश गरेका छन् । एपिएफका पुजा श्रेष्ठ र दिपेश धामीको जोडी तथा जेशिका र गौतम सिंह कठायतको जोडी फाईनल प्रवेश गरेका हुन् ।

श्रेष्ठ र धामीको जोडीले आर्मीका अमिता गिरी र नविन श्रेष्ठको जोडीलाई १६-२१, २१-९ र २१-११ ले तथा गुरुङ्ख र कठायतको जोडीले आर्मीकै अनुमाया राई र रत्नजित तामाङ्खको जोडीलाई १०-२१, २१-१९, २१ १७ ले पराजित गरेको हो ।
 
यस्तै पुरुष एकल तर्फ आर्मीका रत्नजित तामाङ्खले एपिएफका दिपेश धामीसँग प्रतिस्पर्धा गर्ने भएका छन् । रत्नजितले सुदूरपश्चिमाञ्चलका प्रिन्स दाहाललाई २१-११, २१-९ ले पराजित गर्दै धामीसँगको भेट पक्का गरेका हुन् । धामीले प्रदेश १ का पूर्व नम्बर १ खेलाडी विकास श्रेष्ठलाई २१-११, २१-१५ ले पाखा लगाए ।

महिला एकलको फाईनलमा आर्मीका दुवै खेलाडी नङ्खशल देवी तामाङ्ख र रशिला महर्जनले प्रतिस्पर्धा गर्ने भएका छन् । पहिलो सेमिफाईनलमा नङ्खशलले प्रदेश १ की सिता राईलाई २१-१७, २१-९ ले र रशिलाले आफ्नै क्लबकी अनुमाया राईलाई २१-१७, २१-१८ ले हराउँदै फाइनल प्रवेश गरेका हुन् ।
 
पुरुष जोडी तर्फ एपिएफका दिपेश धामी र विजित थापामगरको जोडीले एपिएफका सुरोज महर्जन र प्रफुल महर्जनको जोडीलाई २१-१३, २१-१२ ले पराजित गरेको हो । यसै गरि महिला युगल तर्फ पनि सेना र एपिएफकै भिडन्त हुने भएको छ ।

 सेनाका नङ्खशल देवी तामाङ्ख र अनुमायाको जोडीले प्रदेश १ का सिता राई र सिमा राजवंशीको जोडी माथि २१-१२, २१-१८ ले पराजित गरको हो । पुजा र जेशिकाको जोडीले आर्मीका अमिता गिरी र रशिला महर्जनको जोडीलाई २१-१६, २१-१८ ले पन्छाएका थिए ।