आइपिएल : दिल्ली मुम्बईसँग पराजित

एजेन्सी- इन्डियन प्रिमियर लिग (आइपिएल) क्रिकेटमा दिल्ली क्यापिटल्स मुम्बई इन्डियन्ससँग पराजति भएको छ । बिहिबार भएको खेलमा दिल्ली मुम्बईसँग ४० रनले पराजित भएको हो ।

मुम्बईले दिएको १ सय ६९ रनको लक्ष्य पछ्याएको दिल्लीले निर्धारित २० ओभरमा ९ विकेट गुमाउँदै मात्र १ सय २८ रन बनाउन सक्यो । दिल्लीका लागि शिखर धवनले सर्वाधिक ३५ रन जोडे पनि दिल्लीको जितका लागि प्रयाप्त भएन । 

उनले २२ बलमा पाँच चौका र एक ५छक्का प्रहार गरेका थिए । त्यस्तै अक्षर पटेलले २३ बलमा एक चौका र एक छक्का प्रहार गर्दै २६ रन बनाए । पृथ्वी शले २० तथा क्रिस मोरिसले ११ रन जोड्दा अन्य ब्याट्सम्यानले दोहोरो अंकमा रन छुन सकेनन् । मुम्बईका राहुल चाहरले ३ तथा जस्प्रित बुम्राहले २ विकेट लिए । 

यसअघि टस जितेर पहिले ब्याटिङ गरेको मुम्बईले निर्धारत २० ओभरमा ५ विकेट गुमाएर १ सय ६८ रन बनाएको थियो । मुम्बईका लागि कुर्नाल पाण्डयाले अविजित ३७ रन जोडे । उनले २६ बलमा ५ चौका प्रहार गर्दै ३७ रन जोडेका हुन् । 

त्यस्तै क्विनटन डी ककले २७ बलमा समान दुई चौका र छक्का प्रार गर्दै ३५ रन जोडे । हार्दिक पाण्डयले ३२, कप्तान रोहित शर्माले ३० तथा सुर्य कुमार यादबले २६ रन बनाए । दिल्लीका कागिसो राबडाले २ विकेट लिए । यसजितसँगै मुम्बई लिगको दोस्रो स्थानमा उक्लिएको छ भने पराजित दिल्ली तेस्रो स्थानमा छ ।