युभेन्ट्स र आयाक्सबीचको निर्णायक खेल आज

एजेन्सी- च्यम्पियन्स लिग अन्तर्गत क्वाटर फाइनलको दोस्रो लेगमा आज (मंगलबार) इटालीयन क्लब युभेन्ट्स र आयाक्स भिड्दै छन् । खेल नेपाली समय अनुसार युभेन्ट्सको घरेलु मैदानमा राती १२:४५ बजे सुरु हुने छ । 

यो खेल दुबै टोलीका लागि निर्णायक खेल हो । यस खेलको विजेता टोली च्याम्पियन्स लिगको सेमिफाइनलमा प्रवेश गर्ने छ । यसअघि अयाक्सको घरेलु मैदानमा भएको खेलमा दुबै टोलीले १-१ को बराबरी खेलेका थिए । 

त्यसैले पनि दुबै टोली एक अर्कालाई पराजित गर्दै च्याम्पियन्स लिगको सेमिफाइनल प्रवेश गर्ने लक्ष्यका साथ मैदानमा उत्रिने छन् । तर आयाक्सका दुईमहत्वपूर्ण खेलाडी आजको खेलमा उपस्थित हुने छैनन् । 

आयाक्सका मिडफिल्डर फ्रेन्की डे जोङ चोटका कारण खेलमा उपस्थित हुने छैनन् । त्यस्तै अर्का लेफ्ट ब्याक ताग्लियाफिको पनि चोटका कारण युभेन्ट्ससवरुद्धको खेलका उपस्थित नहुने बताइएको छ । त्यसैले पनि य्भेन्टसलाई घरेलु मैदानमा केही सहज हुने देखीन्छ् ।